TEAVI NA CAÑIZA
TEAVI (Asociación del Trastorno do Espectro Autista de Vigo)
Trátase dunha Asociación de recente creación, que nace co propósito de dar apoio e resposta ás necesidades das persoas afectadas, e intentar así mellorar a súa integración tanto no ámbito social e das relacións, como no ámbito escolar ou laboral, ademáis de orientar ás familias e ó resto de persoas do seu entorno que o requiran (escola, coidadores, posto de traballo...). TEAVI nace en Vigo, pero pretende abarcar ademáis da cidade, arrededores e zonas próximas, para dar cobertura ó maior número de persoas posibles.
O pasado 14 de marzo, nenos/as e pais de TEAVI, así como coidadores e terapeutas, estivemos na Cañiza participando nunha xornada de ocio. Fomos recibidos polo Alcande Miguel Domínguez, que dende o primeiro momento amosouse comprometido e colaborador coa nosa Asociación, favorecendo que esta actividade se levara a cabo na Cañiza.
Comezamos visitando a Explotación de Porco Celta da Vila, onde fomos moi ben acollidos polos veciños de Petán. Os nenos percorreron a explotación e puideron observar os exemplares, mentres escoitaban as explicacións do guía sobre a súa crianza e ás súas características máis relevantes. Tras a excursión, estivemos comendo no Camping Carballo do Marco, onde Luis e o seu equipo nos atenderon moi ben. Despóis de xantar, visitamos as instalacións da Panadería Pirucho, onde tanto nenos/as e pais, asistiron ó proceso de elaboración do pan e participaron no mesmo. A merenda correu a cargo de Panadería Pirucho, que elaborou para os nenos pizzas e empanadas.
Todos pasamos un día fantástico, e por iso dende TEAVI, queremos agradecer a súa implicación e axuda ó alcalde da vila, a Luis (encargado do camping) e á xente que traballa con él. Ademáis queremos facer unha mención especial a Panadería Pirucho, que dende o momento que lle plantexamos a posibilidade de realizar a actividade nas súas instalacións, amosouse disposto e involucrouse de forma totalmente desinteresada. Queremos darlle as grazas polo trato paciente e amable que Alberto, o seu xerente, tivo con todos nós, ó igual que ós seus empregados Cristian e Laura. De verdade, moitas grazas a todos.
TEAVI.
Texto: Marta Rodriguez Marquez
No hay comentarios:
Publicar un comentario